قصيدة المستحيل ، مشارى العفاسى : تحميل ، استماع ، كلمات




نشيدة المستحيل
للقارىء الشيخ مشارى راشد العفاسى


استماع : Soundcloud





الكلمات
المستحيل يحبنى يوم رمْته
كأن مصيري مرتبط مَعْ مصـيره
والـياس حـارَبْني ، لكـنِّـي هَـزَمْتـه
وايَّـامـنـا رَاحَـاتـها مـســتــــديره
عِـزِّي من ابـوي الْـكريم اسْـتـلمتـه
عَلى الـمَسَار اكْمَلت نَـفْس الـمسـيره
الأوَّلـه .. حَق الـعَرَب ماهـضـمْته
والثـانيه .. أنـباي فـي كل دِيـره
وابـوي .. أبـوي الصِّـيرمي لا عدمته
خَـذيت مِنْه الأوَّلَـه والأخـيره
كم بَحر تَرهِب غبِّـته .. بس عمْته
خطير ، وأحِب الدروب الخـطيره
وْكَم وَاحدٍ لو ما حشَـمْني حشَمْته
ماهو على شانه .. على شان غـيره
وْكَم وَاحدٍ لو يجْـهَل اسمي ، ما لـمْته
عْيون لومي عَن شـرَاته ضـريره
وْكَم وَاحدٍ عليه غيضـي كتـمْتـه
أسَامحه ، واقول هو وْ ضـميره
وْكَم بيت شَاعِر كنِّـي اللي نظَمْتـه
يَجْذبْني اسْلوبه وحسْن تْـعَـبيره
وْكَم صَاحبٍ يَثْـبت معي لا زهَمْتـه
يبـين فـي شَر الزمن قبل خـيره
وْكَم وَاحدٍ آحسّـسه بانّي فـهَـمْته
أقرا في عيـنه ما حوتـه السريـره
وْكَم سيف في شوط التحَدِّي لطـمْته
ونْـفوس مِن تكْـرَه نجاحي كســيره
وْكَم ليل أتْعَـب رمْش عيني ما نـمْته
لين احْـتضن جفـني شعاع الظـهيره
وْكَم مِن حزامٍ يرتخي لا احْـتزمْته
ما ينْـلِبس عِنْـد الأمــور الكـبـيره
وْكَم مِن جـدَارٍ فـي طريقي هدَمْته
وبنيت باحـجاره للاجيـال سِـيْره
وْكَم عَاقلٍ تسْـتَـغرب الـنَّاس صَـمْـتـه
كبـير ، وعقـول الـخـلايق صـغـيره
وْكَم حِـلـم يتْحَقَّـق لا مـنّي حلـمْتـه
يثـيـرني يـوم احْـلـمه واسـتـثيره
وْكَم يوم من عمري يا وَقتي خصمْته
ياما اطولك ، وايَّام نَاسك قـصـيره
إنسـان احـس انِّـه كَـفو لا احْـترمْته
نـفْسَـه غَـنـيَّـه لو يـديْنـه فـقـيـره
وانسـان .. بخْـزام الوفـا لو خـزَمْته
نار الغـدر فـي وسط يوفه سـعـيره
وْ الصاحب إلى ما حـشَـمْني ، حشَـمْته
ماهو على شـانه ، على شـان غـيره
الأوَّلَـه .. حَـق الـعَـرَب ماهـضـمْته
والـثَّـانـيه .. أنْـباي فـي كل دِيـره
والـثالثـه .. الـصِّـيرمـي لا عـدمْـتـه
خَـذيـت مِـنْه الأوَّلــه والأخـيــره



عن القصيدة

لسمو الشيخ حمدان بن محمد 
بن راشد آل مكتوم - فــزاع
أداء : مشاري بن راشد العفاسي
ألحان : فايز السعيد
توزيع : محمد صالح
الهندسة الصوتية : م.مشاري